Katolski dźěćacy dom Alojsa Andrickeho
Nawjes 1
02627 Radwor
wjednica: knjeni Andrea Henichowa
telefon: 035935 2 07 17
mejlka: andritzki.kinderhaus@t-online.de
web: www.andritzki-kinderhaus.de
nošer:
Radworska wosada
Swjateje Marije, kralowny róžowca
Cyrkwinski puć 2
02627 Radwor
Wotewrjene wot 6.15 hodźin do 17.00 hodźin
pěstonska staroba: wot 1. žiwjenskeho lěta hač do kónc štwórteho lětnika
- pěstowanje a nałožowanje serbskeje rěče je nam wažne
- dalše ćežišćo w pěstowarni je pěstonjenje a spěchowanje zbrašenych dźěći
- kubłamy po pedagogice Marije Montessori
- spěchuje so wuwiće dźěsća k samozamołwitej a zhromadźenstwa kmanej wosobinje na zakładźe křesćanskeho zrozumjenja wo čłowjeku a přirodźe
AWO pěstowarnja “Marija Kubašec” w Radworju
Pod dubami 2
02627 Radwor
wjednik: knjez Frank Schneider/ Krawc
telefon: 035935 33 26
mejlka: mariakubasch@awo-bautzen.de
web: www.awo-bautzen.de/kindertagesstaetten/kita-maria-kubasch-radibor/
nošer:
AWO wokrjesne zjednoćenstwo Budyšin
Lubijska dróha 48
02625 Budyšin
jednaćelka: knjeni Marina Schneider/ Šnajderowa/ Krawcowa
wotewrjene: wot 06.00 hodź. do 17.00 hodź.
pěstonska staroba: 1 do 10 lět
Naša pěstowarnja w nošerstwje AWO smě 22 dźěći do žłobika, 49 dźěći do pěstowarnje a 50 dźěći do horta přiwzać a hladać. Tučasnje ja přizwolena kapacita docpěta. Naše dźěći so wot 10 připóznatych kubłarkow a jedneje muskeje fachoweje mocy, kotraž serbšćinu wobknježi, we wobłuku wotewrjenskeho časa 11 hodźin, profesionelnje pěstuja. Naš koncept złožuje so na princip kubłanja, kotryž wuchadźa ze situacije. To woznamjenja, zo su w prěnim rjedźe dźěći sami akterojo, kotřiž kubłanske nadawki zdokonja. Po wobkedźbowanju dźěći skića kubłarki móžnosće a wobstejnosće, zo móža so dźěći swojim indiwidualnym žadanjam w kóždym času wěnować. Wobsahowy wotběh našeho pedagogiskeho dźěła wotpowěduje sakskemu kubłanskemu planej.
Wažne je nam, wobstejacu “Witaj”-skupinu po principje imerzije krućić. Dokelž maja 2 pěstowarce hojensko-pedagogiske wukubłanje, móžemy dźěći, kotrež trjebaja wěste integratiwne hladanje, w pěstowarni přiwzać. Naše pedagogiske dźěło zepěra so mjez druhim na dokumentaciju wobkedźbowanjow, wobrazowych a wuknjenskich powědančkow kaž tež rozmołwow wuwića, kotrež so we prawidłownych wotstawkach ze staršimi přewjedu. W běhu lěta eksistuje dźěłowy plan, tak zo su naši starši sčasom wo wjerškach a swjedźenjach informowani a móža z tym přeća a namjety wuprajić. Wobstejaca staršiska rada podpěra zhromadne dźěło ze staršimi. Dźěći móža so prawidłownje, jónu wob tydźeń, w našej pěstowarni na zažnym hudźbnym kubłanju abo na pohibowanskim kubłanju z profesionelnym nawodom wobdźělić.
W našej pěstowarni dźěłamy po principje kubłanja, kotryž wuchadźa ze situacije, to rěka:
- pedagogiska koncepcija wusměri so po žiwjenskej situaciji dźěći a jich swójby
- dźěći přiswoja sej swět předewšěm při hrajkanju
- dźěći wuknu mjezsobnje a wuhotuja swoju situaciju we pěstowarni aktiwnje sobu
- we projektach wuknu dźěći jednać a z wosebitymi situacijemi wobchadźeć
- wšitko, štož dźěćo same zdokonja, dyrbi same činić
Darmotne zažne hudźbne kubłanje so wot kubłarki našeje pěstowarnje nawjeduje.
AWO pěstowarnja “Wroblace hnězdo” Minakał
Klukšanska dróha 20
02627 Minakał
wjednica: knjeni Ramona Schmidt
telefon: 035934 63 75
e-mejlka: spatzennest@awo-bautzen.de
internet: www.awo-bautzen.de/kindertagesstaetten/kita-spatzennest-milkel/
Nošer:
AWO wokrjesne zjednoćenstwo Budyšin
Lubijska dróha 48
02625 Budyšin
Jednaćelka:
knjeni Maria Schneider
wotewrjenske časy: 06.00 hodź. do 16.30 hodź.
pěstonska staroba: 2 do 10 lět
W našej pěstowarni měri so naše dźěło na žiwjenju a orientuje so na socialnych rumach. Z stajnym wobkedźbowanjom dźěći zapopadnjemy jich temy a je z wjelestronskimi poskitkami wudospołnjamy. Spěchujemy wědome strowe žiwjenske wašnje, štož polěkuje fyziskemu a psychiskemu derjeměću dźěsća. Wot lěta 2008 sem wobdźělimy so na strowotnej iniciatiwje AWO a wuknjemy z „Tiger-Kids“ wot AOK wšitko k strowemu žiwjenskemu wašnju. Nowe, ze staršimi wuhotowane hrajkanišćo skići rum za pohib. Jónu wob tydźeń chodźimy do sportoweje hale k ćěłozwučowanju. Dokelž je naša pěstowarnja we wjesnej wokolinje, wužiwamy wjele přiležnosćow, zo bychmy z dźěćimi přirodu wobkedźbowali a zwiski wuslědźili. Prócujemy so njehladajo wjedra jónu w tydźenju hić do lěsa.
Wosebje wažne je nam rěčne wuwiće dźěsća. K tomu wužiwamy wuhotowane rumnosće, powědančka, spěwy, hry z porstami, basnje, knihi a hry. Prócujemy so wo dowěrliwe, zhromadne dźěło z staršimi - wobmyslenja staršich bjerjemy chutnje a dźakowano mnohim dokumentaciskim formam je naše pedagogiske dźěło transparentne. Přez dobre zhromadne dźěło z wučerjemi zakładnych šulow chcemy dźěćom běžny přechod do šule zmóžnić. Mamy w našej pěstowarni dwě skupinskej stwě a jednu rumnosć za pohibowanje, kotruž móža wšitke dźěći wužiwać. Nimo toho mamy wulke hrajkanišćo a wužiwamy ćěłozwučowarnju něhdyšej šule. Wokomiknje dźěłaja 2 kubłarce, jedna dipl.-socialnopedagogowka a jedna přistajena (za “komunalkombi”) w našej pěstowarni.
- z prawidłownym wobkedźbowanjom dźěći so jich temy zapopadnu a z mnohostronskimi poskitkami wudospołnja
- spěchowanje wědomeho stroweho žiwjenskeho wašnja, mjez druhim z wobdźělenjom na projekće AWO, wopyt ćěłozwučowarnje jónu wob tydźeń
- pohibowanje na čerstwym powětře při kóždym wjedrje
- spěchowanje rěčneho wuwića dźěći
- transparenca pedagogiskeho dźěła z pomocu wšelakich dokumentaciskich formow