Wulka Dubrawa, Malešecy a Radwor startuja ze zestajenjom komunalneho ćopłotneho planowanja

Wot srjedź měrca 2026 dźěłaja gmejny Wulka Dubrawa, Malešecy a Radwor zhromadnje z posłužbownikom Mobilitätswerk GmbH z Drježdźan na komunalnym ćopłotnym planje. W prěnich měsacach so najprjedy relewantne daty zběraja, zo bychu sebi we wobstatkowej analyzy přehlad wo wobstejacych strukturach zastaranja gmejnow z ćopłotu stworili. K tomu dóstanu mjez druhim přidźěła regionalnych wobhospodarjerjow syćow, wobwodnych saznikow a wobhospodarjerjow ćopłotnych syćow. We wobłuku potencialoweje analyzy so mjez druhim tež lokalnje k dispoziciji stejace žórła za wobnowjomne energije přepytuja.

Wažny aspekt ćopłotneho planowanja je nimo toho zawjazanje wobydlerkow a wobydlerjow. Zo móžemy Was w přichodźe aktualnje wo postupje a planowanskich krokach informować, bu homepage jako centralne kontaktne městno zarjadowane (link hlej deleka).

Na homepage namakaće wotmołwy na často stajene prašenja k ćopłotnemu planowanju kaž tež k temam wuměny tepjenjow a saněrowanja twarjenjow. Po zakónčenju prěnich analyzow wozjewja so wuslědki wobstatkoweje a potencialoweje analyzy.

Přidatnje zahaja gmejny naprašowanje wobydlerjow, zo bychu Waše měnjenja, potrjeby a nastorki do planowanskeho procesa zapřijeli a wotewrjene prašenja z wobydlerstwa zběrali. Tuž chcemy Was wutrobnje přeprosyć, so na wuhotowanju našeho přichodneho zastaranja z ćopłotu wobdźělić. Přistupny link k naprašnikej namakaće na homepage w rubrice „Wobdźělić so“.

Nimo online-naprašowanja je tež zarjadowanje na městnje planowane. Dalše informacije namakaće tohorunja na homepage projekta. Přidatnje wozjewja so informacije přez kanale gmejnow.

Ćopłotne planowanje ma hač dosrjedź 2027 wotzamknjene być. Wuslědki njepředstajeja pak při tym žane zwjazowace směrnicy za wěste tepjenske připrawy abo zastaranske systemy, ale słuža jako zakład za dołhodobne rozsudy k zastaranju z ćopłotu w gmejnskim teritoriju. Z toho profituja wobydlerki a wobydlerjo runje tak kaž komunalne zarjadnistwo, kotrež so přidatnje z konkretnymi namjetami naprawow za zwoprawdźenje ćopłotneho plana podpěruje.

Link k homepage Komunalne ćopłotne planowanje gmejnow Wulka Dubrawa, Malešecy a Radwor: https://waermeplan-grossdubrau-malschwitz-radibor.de/

Energija a škit klimy

Klimoškitny koncept gmejny Radwor

Klimoškitny koncept gmejny Radwor je zhotowjeny. 12. měrca 2025 wobzamkny gmejnska rada zwoprawdźenje koncepta a natwar klimoškitneho kontrollinga. Wot 1. oktobra 2023 bu koncept wot klimo škitneho managera a społnomócnjeneho, eksterneho posłužbowarja (Lipšćanski institut za energiju) wudźěłany. Personalne městno w gmejnskim zarjedźe, eksterny posłužbar a wěcne wudawki buchu při tym 100 % wot Zwjazka přez komunalnu směrnicu financowane.

We wšej krótkosći zjimane bu za gmejnu minjene měsacy energijowa a parnišćopłunowa bilanca zestajana, potenciale za zasadźenje wobnowjomnych nošerjow energije zwěsćene a scenarije nastajene, kak móhłoj přetrjeba a produkcija energije w bliskim a dalokim přichodźe wupadać. We wobłuku wobdźělenskich zarjadowanjow w aprylu a meji 2024 buchu prěnje wuslědki předstajene a nastorki resp. ideje wobdźělnicow a wobdźělnikow za naprawy k wuhotowanju temow energija a škit klimy přiwzate. Tute buchu potom w tak mjenowanych naprawowych łopjenach za slědowace štyri jednanske wobłuki zjimane:

• klimje přichilene zarjadnistwo,
• wobnowjomna energija, energijowa eficienca, zastaranje z energiju w priwatnych domjacnosćach a předewzaćach
• mobilita
• kubłanje, wobdźělenje a zjawnostne dźěło

Naprawy su žro zwoprawdźenskeho procesa wot apryla 2025. Na přikład ma so w blišim času přewětrjenska připrawa a wobswětlenje w sportowej a wjacezaměrowej hali SLAVIA wuměnić. Nimo toho ma etablěrowanje komunalneho energijoweho managementa přetrjeby a kóšty energije redukować. Za nadróžne wobswětlenje ma so wobstatkowa analyza přewjesć a strategija za přestup na LED-swěćadła nastajić. Nimo toho maja so potenciale nastupajo solarnych třěchow na komunalnych twarjenjach zwěsćić a wotkryć. Dale ma z komunalnym planowanjom ćopłoty kóždy wjesny dźěl gmejny Radwor zhonić, kotre zastaranje z ćopłotu na městnje w přichodźe faworizuja. Ze załoženjom energijoweho drustwa chcedźa zhromadnje ze sobustawami projekty, n. př. solarne připrawy na komunalnych twarjenjach, zwoprawdźić. Za šulerki a šulerjow organizuja so pućowanske dny a ekskursije k připrawam za wudobywanje energije kaž tež eksperimenty k energijowym temam. Dale ma ludnosć móžnosć dóstać, we wobłuku „dnja wotewrjeneje ćopłotneje syće“ za kulisy produkcije ćopłoty hladać.

Nadrobniši přehlad k naprawam namakaće w kapitlu 11 klimoškitneho koncepta resp. w zjeću koncepta. Dalše informacije k tomu namakaće w PDF-dokumenće.

Kóždu wutoru móžeće nimo toho swoje prašenja kołowokoło temow energija a klima w „energijowej rěčnej hodźinje“ stajeć. Prosy so wo dočasne přizjewjenje přez deleka stejace kontaktne daty. Wězo móžeće tež rady zbytne dny tydźenja kontakt nawjazać!

Download klimoškitny koncept gmejny Radwor
Download krótke zjeće a zwoprawdźenske naprawy klimoškitneho koncepta
Download wobzamknjenje gmejnskeje rady

kontakt

Gmejna Radwor
Marcel Bellmann
tel.: 035935 21639
mejlka: klima@radibor.de

Akcije a zarjadowanja

5. měrca 2025 wotmě so informaciske zarjadowanje „Energija a klima“ w Minakałskej wohnjowobornej gratowni. Něhdźe 50 wosobow wobdźěli so na zarjadowanju. Při tym předstajichu so prěnje dopóznaća k přichodnemu zastaranju z ćopłotu we wsy Minakał kaž tež dalše naprawy zwoprawdźenja klimoškitneho koncepta gmejny Radwor. Dokumentacija zarjadowanjow a přirunanja jednotliwych wariantow zastaranja z ćopłotu steja tu jako PDF-dataja k dispoziciji.

Prezentacija zarjadowanje Minakał
Přehlad wariantow zastaranja z ćopłotu

kontakt

Gmejna Radwor
Marcel Bellmann
tel.: 035935 21639
mejlka: klima@radibor.de

Směrnica za swobodopłoninowe a agri-fotowoltaikowe připrawy

Směrnica za swobodopłoninowe a agri-fotowoltaikowe připrawy w teritoriju zakładneho centralneho zwjazka gmejnow Radwor – Wulka Dubrawa – Malešecy „Oberlausitzer Heideland / hornjołužiska holanska krajina“

Na zakładźe energijo- a klimopolitiskich zaměrow zwjazkoweho knježerstwa (mjez druhim 80 % podźěl wobnowjomneje energije na přetrjebje bruttomiliny hač do 2030) wočakujemy mnohe naprašowanja potencielnych wobhospodarjerjow fotowoltaikowych připrawow na swobodnych płoninach. 13. nowembra 2024 je gmejnska rada Radworja nałožowanje směrnicy wobzamknyła, kotraž ma jako orientacija słužić, w kotrych kónčinach su fotowoltaikowe připrawy w swobodnej přestrjeni zasadnje předstajomne.

Download směrnica